Өскемен мен ШҚО Риддер маңында апат болып, екі адам көз жұмды
Риддер қаласының маңындағы тасжолда келе жатқан жүк көлігі жол шетіндегі жыраға аударылып кеткен
Фото:
pexels.com
Оқиға орнында екі жолаушы қаза тапты, деп хабарлайды Устинка LIVE ШҚО ПД ақпаратына сүйеніп.
Жүк көлігінің жүргізушісі көлік тізгініне ие бола алмай, көлік жыраға аударылып кеткен. Жол апатынан екі жолаушы сол жерде тіл тартпай кетті, - делінген ақпаратта.
Қазіргі уақытта аталған факті бойынша ҚР Қылмыстық кодексінің 345-бабы 4-бөлігіне (Көлік құралдарын басқаратын адамдардың абайсызда екі немесе одан да көп адам өліміне әкеп соққан жол қозғалысы ережелерін бұзуы) сәйкес сотқа дейінгі тергеу амалдары басталды.
Бірқатар сот-медициналық сараптама тағайындалған. Соның қорытындысы бойынша процессуалдық шешім қабылданады.
