Өскемен мен ШҚО Риддер қаласындағы жалғыз қазақ мектебінің жабылғаны рас па?
Әлеуметтік желі мен кей сайттарда Риддердегі "Шаңырақ" қазақ мектебі жабылғаны туралы ақпарат тарады
Мектеп жабылған жоқ, алайда балалар басқа ғимаратта оқып жатыр, деп хабарлайды Устинка LIVE.
2023-24 оқу жылында облыс бойынша ешқандай мектеп жабылған жоқ, жабылмайды. Қазір барлық балалар білім берумен қамтамасыз етілген. Соның ішінде Риддердегі "Шаңырақ" қазақ мектебінің балалары да білім беруден тыс қалған жоқ, Мектеп ғимаратына күрделі жөндеу жұмыстары жүргізілетіндіктен, мектеп басқа ғимаратқа ауыстырылды, штаттық режімде жұмыс істеп жатыр. Барлық бала білім алуда, - дейді ШҚО Білім басқармасының мектепке дейінгі жалпы орта білім беру бөлімінің басшысы Бұлбұл Қозыбаева.
Қазіргі таңда мектеп үшін жаңа ғимарат салынып жатыр. Құрылысы келер жылы аяқталады деп жоспарлануда.
Следующая →
