Риддердегі өзенге тау-кен байыту кешені тарапынан келтірілген экологиялық шығын есептелуде

Шағым түскен соң ШҚО бойынша экология департаменті оқиға орнына барып, судан сынама алған, деп хабарлайды Устинка LIVE.

"Казцинк" ЖШС Риддер тау-кен байыту кешенінің қалдық қоймасында дәнекерлеу тігісі бойынша пульпа өткізгіш жарылған. Нәтижесінде құбырдың бір ұшы жерге құлап, пульпа жер бедеріне төгілген, содан кейін ішінара Филипповка өзеніне аққан, - деп түсіндірді мән-жайды ШҚО Экология департаментінің баспасөз қызметі. - Филипповка өзені Үлбі өзенінің саласы болып табылатын Тихая өзенінің саласына жатады.

Зертханалық-талдамалық бақылау бөлімінің мамандары сол күні Филипповка өзеніне ағызу орнынан, сондай-ақ зиянды заттардың құрамына химиялық талдау жүргізу үшін ағызу орнынан 500 м жоғары және 500 м төмен жағынан су сынамаларын алған.

Зардаптарды жою үшін "Казцинк" ЖШС РТБК кәсіпорнының қызметкерлері сол күні пульпа құбырларын құрғату мақсатында жұмыстың технологиялық процестерін тоқтатты, нәтижесінде пульпаның түзілуі тыйылды. Содан кейін технологиялық процесс резервтік пульпа өткізгішке ауыстырылды. Кәсіпорынның техникасымен жер бедерінен пульпа жиналып, апаттық тоғанға шығарылды, кейіннен оны "Казцинк" ЖШС қолданыстағы қалдық қоймасына апарып тастады, - делінген хабарламада.

ШҚО Экология департаменті дәл осы күні, 2023 жылдың 27 шілдесінде, осы факт бойынша азамат Н. Мешковтың өтінішінің негізінде "Казцинк" ЖШС-ға қатысты жоспардан тыс экологиялық тексеру ашылғандығын мәлімдеді.

Химиялық талдаулардың және су объектілері мен балық ресурстарына экологиялық залалды бағалау нәтижелері бойынша қылмыстық іс қозғау үшін тексеру материалдарын полиция органдарына жіберу жөнінде шешім қабылданатын болады.

Қазіргі уақытта залал сомасы нақтылануда.