Риддердегі ЖЭО-дағы жөндеу жұмыстары үш ауысыммен жүргізіледі

ШҚО әкімі Даниал Ахметов Риддер жылу электр орталығын күрделі жөндеумен айналысатын мердігер ұйымдармен кеңес өткізді, деп хабарлайды Устинка LIVE.

Әрбір қазандық агрегатына, турбинаға, әрбір техникалық торапқа 15 қыркүйекке дейін барлық жөндеу жұмыстарын аяқтауы тиіс нақты ұйымдар бекітілген, - дейді өңір басшысы Даниал Ахметов. - Жабдықты жөндеу ғана емес, сонымен қатар шатырды жабу, ғимараттың жақтауын оқшаулау, кранды қалпына келтіру және адамдардың қалыпты жұмыс жағдайлары болуы үшін желдету жүйесін жөндеу қажет.

Бүгінгі таңда әр қондырғыны жөндеу бойынша жұмыстардың тізімі, көлемі және олардың орындалуын бақылауға мүмкіндік беретін нақты кесте жасалған. Облыс әкімі атап өткендей, жөндеу жұмыстары үш ауысымда демалыссыз жүргізіледі.

Жылу орталығын зерттеген ұйым қазірдің өзінде 25 олқылықты анықтап, компания оны қалпына келтіруді бастады. Олар гидравликалық сынақтарды да жүргізбек. Сондай-ақ, Громотуха өзенінде маусымдық проблемалар туындамауы үшін сумен жабдықтау ұңғымаларын жөндейміз. Күл үйіндісі нысанына бардық, ол шектен тыс толған және тез арада қайта құруды қажет етеді. Бұл да бірінші кезектегі міндеттердің бірі. Мен жергілікті риддерлік компанияларды, атап айтқанда құрылыс компанияларын барынша тартуды тапсырдым, - деді Даниал Кенжетайұлы.

15 қыркүйекке дейін Риддер ЖЭО жаңа жылыту маусымына толық дайын болуы тиіс. Бұл - негізгі мақсат.