Өскемен мен ШҚО Риддерде гемодиализ орталығы ашылды
Енді бүйрек жеткіліксіздігі бар науқастар Өскеменге сабылмайтын болды
Риддер қаласында ауыр созылмалы бүйрек жеткіліксіздігі бар 9 пациент тұрады, деп хабарлайды Устинка LIVE тілшісі қалалық әкімдік ақпаратына сүйеніп.
Риддер жұқпалы аурулар ауруханасында гемодиализ орталығы ашылды. Енді ауыр созылмалы бүйрек жеткіліксіздігі бар 9 пациент аптасына 3-4 рет Өскеменге бармай-ақ, өз қаласында тегін қажетті ем алу мүмкіндігіне ие болды.
Жаңа орталыққа Германия өндіретін арнайы жабдық сатып алынды. Бұл әр пациенттің медициналық картасын сақтау мүмкіндігі бар сенсорлық аппараттар және толық қауіпсіздік үшін жоғары тиімді сүзгілер. Сонымен қатар, төрт сағаттық емдеу кезінде жағдайды реттеуге арналған ыңғайлы креслолар бар, - делінген әкімдік ақпаратында.
Пациенттерді тегін инватакси тасымалдайтын болады. Моноқалалар арасында мұндай қызмет тек Риддерде бар. Аталған салаға мемлекеттен 35 миллион теңге бөлінді.