Өскемен мен ШҚО Марқакөл ауданындағы бірнеше ауылға спутниктік интернет қосылды
Шалғай жатқан Шанағаты, Күнгей-Бекенбай, Теріскей-Бекенбай, Балықтыбұлақ ауылдарының тұрғындары үшін интернет қолжетімді бола түсті
Бұл ауданның цифрлық инфрақұрылымын жақсартып, шалғай ауылдарда мемлекеттік қызметтердің қолжетімділігін арттыруға, тұрғындардың оқу-білім, байланыс және онлайн қызметтерді пайдалануына мүмкіндік ашады, деп хабарлайды Устинка LIVE тілшісі.
Марқакөл ауданындағы ең шалғай елді мекендердің бірі саналатын Шанағатыда осы кезге дейін мектептің ішкі Wi-Fi-ын есептемегенде, тұрақты интернет желісі болмаған. Қазір бұл ауылда 17 отбасы тұрады. Солардың 13-і "Starlink" жүйесіне қосылды, ал қалған үйлерге тегін Wi-Fi орнатылды.
Бұрын қажетті шаруаны тындыру үшін мектепке немесе көрші ауылға баруға тура келетін. Енді бәрін өз үйімізден-ақ шеше аламыз, – дейді облыс әкіміне алғыс білдірген ауыл тұрғындары.