Өскемен мен ШҚО ШҚО-да заңсыз жер қойнауын пайдалану фактісі анықталды
Марқакөл ауданында тағы бір компания экологиялық заңнаманы бұзған
Істі сот органдары қарап жатыр, деп хабарлайды Устинка LIVE тілшісі ШҚО Экология департаментінің ақпаратына сүйеніп.
31 тамызда ШҚО бойынша Экология департаментінің мамандары Марқакөл аудандық полиция бөлімінің қызметкерлерімен бірлесіп Марқакөл ауданының "Шаңдыбұлақ-9" учаскесінде тексеру жүргізіп, заңсыз жер қойнауын пайдалану фактісін анықтады. Тексеру барысында Қазақстан Республикасының экологиялық заңнамасы талаптарының бұзылғаны белгілі болды, - делінген хабарламада.
Нәтижесінде "Алтай-2024" ЖШС-на Қазақстан Республикасының Әкімшілік құқық бұзушылық туралы кодексінің 332-бабының 2-бөлігі және 328-бабының 4-бөлігі бойынша әкімшілік жауапкершілік шаралары қолданылды. Іс материалдары сот органдарына қарауға жолданды.