Өскемен мен ШҚО Күршімнің тұрғындары желді күні балыққа шығып адасып кеткен
Күршім ауданында тұратын ерлі-зайыптылар "Батин шоқылары" аралында резеңке қайықпен балық аулауға барып, кайта алмай қалған
Оларды ШҚО ТЖД құтқарушылары тауып алды, деп хабарлайды Устинка LIVE тілшісі.
ШҚО ТЖД екпіні 20 м/с дейін жететін қатты жел туралы ескерту жариялаған. Алайда бұл хабарландыруды ескермеген ерлі-зайыптылар төтенше жағдайға тап болып, құтқарушылардан көмек сұраған.
Оқиға орнына келген Жедел-құтқару жасағының қызметкерлері азаматтарды жағаға аман-есен жеткізді. Оларға медициналық көмек қажет емес еді, - деп мәлімдеді ШҚО ТЖД баспасөз қызметі.
ШҚО ТЖД қауіпсіздік ережелерін сақтауды еске салады. Балық аулауға бара жатып, "Дармен" мобильді қосымшасында ауа райы болжамын алдын ала нақтылаңыз. Ешбір жағдайда дауыл мен қараңғыда қайықпен су айдындарына шықпаңыз.
Төтенше жағдай кезінде 112 нөмірі бойынша хабарлау қажет.