Өскемен мен ШҚО Үлкен Нарын-Күршім тас жолындағы апатта 4 адам көз жұмды
Өткен айдың соңында Күршім ауданында ауыр жол апаты орын алды. Көлік жол жиегіндегі жыраға ұшып кеткен
Ағымдағы жылдың 30 қыркүйегінде сағат 20.20 шамасында «Үлкен-Нарын-Күршім» (2/133 км) автожолымен келе жатқан Toyota 4Runner маркалы автокөлігі жол жиегіне ұшып кеткен.
Ауыр дене жарақаттары салдарынан төрт жолаушы ( 1963 жылы туған, 1969 жылы туған, 1979 жылы туған,1992 жылы туған ер адамдар) оқиға орнында қайтыс болған, көлік жүргізушісі әртүрлі дене жарақаттарымен аудандық ауруханаға жатқызылды.
Осы факті бойынша ҚР ҚК-ның 345-бабы 4-бөлігі (абайсызда екі немесе одан да көп адамның өліміне әкеп соққан, көлік құралдарын басқаратын адамдардың жол жүру ережелерін бұзуы) бойынша сотқа дейінгі тергеу басталды, - деп мәлімдеді ШҚО ПД. - Қазіргі уақытта сотқа дейінгі тергеу жүргізілуде, бірқатар сот сараптамалары тағайындалды, олардың нәтижелері бойынша процестік шешім қабылданатын болады.
