Өскемен мен ШҚО Үлкенбөкен ауылында мешіт бой көтермек
Бұл игі істі ауыл тұрғындарының бірі қолға алып, күзге дейін аяқтауды мақсат еткен
Одан өзге, ауылдың амбулаториясына көлік сыйға тартты, деп хабарлайды Устинка LIVE тілшісі аудан әкімдігі ақпаратына сүйеніп.
Үлкенбөкен ауылының азаматы, “Тайм” ШҚ басшысы Ринат Солтабаев Үлкенбөкен ауылындағы дәрігерлік амбулаториясына өз қаражаты есебінен УАЗ маркалы автокөлігін сыйға тартты.
Сонымен қатар, бүгінгі күні Солтабаев Ринат Үлкенбөкен ауылының орталығында мешіт құрылысын бастаған. Ринат биыл қазан айында мешіт құрылысын толықтай аяқтауды жоспарлап отыр, - дейді аудан әкімі Ділдәбек Оразбаев. - Өз тарапымнан Ринатқа игі істері үшін алғысымызды білдіріп, әр бастамасына сәттілік тілейміз.
"Ауылына қарап - азаматын таны" деген сөз бекер айтылмаса керек. Туған жерінде өзі өсіп-өніп, өзгеге де қолынан келгенше көмектесіп жүрген мәрт азаматтар аз емес.