Өскемен мен ШҚО Көкпектіліктер биыл жем-шөпті үш есе көп жинауға ниетті
Ол үшін шабындық жерді жайып суару әдісі қолданысқа енгізілуде
Жайып суғару - топырақты жергілікті ағынды сулармен терең, бір реттік көктемгі ылғалдандыру. Жайып суғару тәсілінде еріген су, су тасқыны, сондай-ақ су қоймалары мен каналдардағы артық су шабындық жерлерді суару үшін қолданылады.
Жайып суғару әдісін жүзеге асыру мақсатында Көкпекті ауданы бойынша былтыр күзде елді мекендердегі қолданылатын гидроқұрылғылар мен каналдарда тиісті жұмыстар жүргізілді. Ағымдағы жылы аудан бойынша 21 830 га шабындық жерді суару жоспарлануда. Бүгінгі күні 7,5 мың га аса шабындық жер аталмыш әдіс бойынша суарылуда, - деп мәлімдеді Көкпекті ауданы әкімдігі.
Осылайша жергілікті әкімдік былтырғы жылмен салыстырғанда 2-3 есе көп жем-шөп алып, нәтижесінде оның бағасын тұрақтандырмақ.