Өскемен мен ШҚО Өскемен мен Катонқарағай арасында автобус жүреді
"Өскемен – Катонқарағай" бағытындағы автобус маршруты 2026 жылдың 5 қаңтарынан бастап қатынайды
Автобус бастапқыда күн аралатып, кейін күнделікті жүретін болады, деп хабарлайды Устинка LIVE тілшісі Катонқарағай аудандық әкімдігі ақпаратына сүйеніп.
Жүру кестесі: Өскемен қаласынан 08.10-да, Катонқарағай ауылынан 09.15-те.
Алғашқы кезеңде автобус 5 қаңтар күні Өскемен қаласынан шығып, Катонқарағай ауылына келіп қонады, ал 6 қаңтар күні Катоннан кері бағытта жолға шығады. Яғни, маршрут күнаралап қатынайды, - деп хабарлады Катонқарағай аудандық әкімдігі. - Кейін екі автобус бір мезгілде қарама-қарсы бағытта күнделікті жүретін болады.
Билеттерді Өскемен қаласында "Адал" автовокзалынан, Катонқарағай ауылында кондукторлардан алуға болады.