Өскемен мен ШҚО Ұлан ауданындағы таулы аймақта шыққан өрт сөндірілуде
Өрт техниканың жетуі қиын аумақта шыққандықтан сөндіру жұмыстары әлі де жалғасуда
Мамандар елді мекендерге қауіп жоқтығын мәлімдеді, деп хабарлайды Устинка LIVE.
2023 жылдың 3 шілдесінде Ұлан ауданы Асубұлақ орман шаруашылығының аумағында таулы, қол жетпейтін жерлерде құрғақ шөптер мен бұталар өртенді. Елді мекендерге қауіп жоқ, - деп хабарлады ШҚО ТЖД баспасөз қызметі. - Өрттің жердің таулы, жартасты, жетуі қиын орында болуы сөндіруді қиындатуда.
Орманшылар мен өрт сөндірушілер жасағы оқиға орнына МИ-2 және МИ-8 тікұшақтарымен жеткізілді. Өртті сөндіруге ШҚО әуе бөлімшесі мен "Қазавиақұтқару" АҚ су ағызатын құрылғысы бар МИ-8 тікұшағы тартылып, ол 13 рет су төкті.
Өрттің алдын ала ауданы шамамен 6 гектарды құрайды.
ШҚО ТЖД баспасөз қызметінің ақпаратына сүйенсек, өтті сөндіруге орманшылардан, өрт сөндірушілер мен жергілікті атқарушы органдардан 180-ге жуық адам, 23 техника, Шығыс Қазақстан әуе бөлімшесінің 2 тікұшағы "Қазавиақұтқару" АҚ-ның 2 тікұшағы жұмылдырылған.