Өскемен мен ШҚО Денсаулық пойызы бүгін Ұлан ауданына жетті
"Саламатты Қазақстан" медициналық пойызы Таусамалы станциясына келді
Пойыз 16-17 қыркүйек күндері Ұлан ауданының Огневка кентіндегі Таусамалы станциясында аялдайды, деп хабарлайды Устинка LIVE тілшісі.
Бұл бастама еліміздің шалғай өңірлерінде тұратын тұрғындарға қолжетімді және сапалы медициналық көмек көрсету мақсатында ұйымдастырылған.
Пойызда тұрғындар үшін тегін медициналық қызметтер ұсынылуда. Азаматтарды таңғы сағат 9.00-ден 18.00-ге дейін терапевт, хирург, педиатр, невропатолог, УДЗ маманы, рентгенолог (флюорография), кардиолог, стоматолог, офтальмолог, отоларинголог, онколог-маммолог, гинеколог, уролог және психолог сынды тәжірибелі мамандар қабылдайды. Сонымен қатар, кәсіби медиаторлар мен заңгерлер тарапынан психологиялық, құқықтық және медиативтік көмек көрсетіледі.