Өскемен мен ШҚО Жарма ауданының әкімі лауазымына Жарқынбек Байсабыров тағайындалды
Ол бұған дейін Бесқарағай ауданы әкімі қызметін атқарып келген болатын
Фото:
Абай облысы әкімдігінен
Абай облысы әкімінің өкімімен Жарма ауданының әкімі қызметіне Жарқынбек Борашұлы Байсабыров тағайындалды, деп хабарлайды Устинка LIVE тілшісі Абай облысы әкімдігіне сілтеме жасап.
Жарқынбек Борашұлы 1969 жылы Үржар ауданы "Бірінші май" ауылында дүниеге келген. Екі жоғары білімі бар: 1992 жылы Семейдің зоотехникалық-малдәрігерлік институтын, 2008 жылы М. Әуезов атындағы Семей университетін аяқтаған.
Еңбек жолын 1992 жылы "Калинин" кахлхозында бастаған ол "Құрмет" орденінің иегері.
Қызмет жолы:
- 1998-2004 жылдары "Ерасыл" шаруа қожалығының басшысы
- 2004-2006 жылдары Некрасов ауылдық округінің әкімі
- 2006-2008 жылдары аралығында Жоғары Егінсу ауылдық округінің әкімі
- 2008 жылдың сәуір айынан 2017 жылдың қарашасына дейін Үржар ауданы әкімінің орынбасары
- 2017-2021 жылдары Абай ауданын әкімі
- 2021 жылдан бері Бесқарағай ауданының әкімі
