Өскемен мен ШҚО Глубокое ауданында қатты дауыл соғып, бірнеше үйдің шатыры қирады
Жер үйлермен қатар, бір ауылдың мәдениет үйіне де зақым келген
Кеше Черемшанка, Быструха және Малоубинка ауылдық округтерінде дауылды жел 19 тұрғын үйге, сондай-ақ Быструха ауылының мәдениет үйіне зақым келтірді, деп хабарлайды Устинка LIVE тілшісі Глубокое ауданы әкімдігінің ақпаратына сүйеніп.
Мен комиссиямен бірге зардап шеккен ауылдарға барып, зақымдалған нысандарды қарап, тұрғындармен сөйлестім, дауылды желдің салдарын жою бойынша жұмыс жоспарын жасадым, - деді Глубокое ауданының әкімі Елдар Тумашинов. - Әлеуметтік нысандарды жөндеу үшін аудан бюджетінен қажетті қаражат бөлінетін болады.
Сондай-ақ, зардап шеккен азаматтарға Глубокое ауданының жұмыспен қамту және әлеуметтік бағдарламалар бөлімі арқылы материалдық көмек көрсетілмек.
