ШҚО-да екі кенші топырақ астында қалған
Олардың бірі ауруханаға жеткізілді, екіншісін құтқару жұмыстары жүріп жатыр
![Усть-Каменогорск и ВКО / Глубокое (Глубоковский р-он) / ШҚО-да екі кенші топырақ астында қалған Усть-Каменогорск и ВКО / Глубокое (Глубоковский р-он) / ШҚО-да екі кенші топырақ астында қалған](/upload/iblock/15d/fs2zjwp94myr1sn6hzqu1pa2xgl4iqp2/imgonline_com_ua_Resize_NHKOUIfzjO3jeg2.jpg)
Глубокое ауданындағы KAZ Minerals компаниясының кенішінде екі адам топырақ астында қалды, деп хабарлады Кazinform.
Кейбір БАҚ өкілдері кеншілер үйінді астында қалды деп жазып жатыр. Бұл - қате ақпарат. Екі жұмысшы опырылған жерге құлап кетті. Олардың үстіне тау жынысы құлаған жоқ. Оның бірі қазір топырақтан шығарылып, ауруханаға жеткізілген. Екіншісін құтқару жұмысы жүргізіліп жатыр. Жұмысшы тірі, - деп түсіндірді KAZ Minerals тобы корпоративтік департаментінің менеджері Ермек Дүзкенов.
ШҚО Мемлекеттік еңбек инспекциясы басқармасының мәліметінше, үңгушілер тау-кен массасы опырылған кезде жерасты қазбасында жұмыс істеп жатқан, соның ағыны жұмысшылардың бірін төмен тартып алып кеткен көрінеді.
Барлық апаттық-құтқару жұмыстары мен оқиғаның себептерін анықтау облыстық биліктің бақылауында.