Өскемен мен ШҚО Глубокое ауданында Дала күні аталып өтті
Глубокое ауданында ауылшаруашылығы саласындағы жақсы дәстүрлердің бірі - Дала күнін өткізу
5 тамызда Опытное поле ауылының "Шығыс Қазақстан ауыл шаруашылық тәжірибе станциясы" ЖШС базасында Дала күні ұйымдастырылды.
Дала күні - қазіргі заманғы ауыл шаруашылығы технологияларының, селекциялық жетістіктердің, заманауи жоғары өнімді техниканың ең ірі демонстрациялық алаңы, сондай-ақ отандық және шетелдік фермерлер арасында тәжірибе алмасу және іскерлік байланыстарды дамыту үшін ыңғайлы орын.
Барлық алаңдарды үлкен қызығушылықпен аралап, ауыл шаруашылығы өндірушілерімен әңгімелестім. Агроөнеркәсіптік кешен мамандары цифрландыру бойынша инновациялар және АӨК дамыту перспективалары, сондай-ақ ауыл шаруашылығы дақылдарының жаңа сорттарын енгізу туралы айтып берді, - дейді Глубокое ауданының әкімі Эльдар Тумашинов.
Сондай-ақ, аудан әкімі тұқым тазалау желілерін қарап, "ШҚ АШТС" ЖШС агрохимиялық зертханасымен танысты.
