Глубокое ауданында "Нан күнін" атап өтті

Глубокое ауданындағы нан зауыты өз өнімдерімен Өскемен қаласын және жақын аудандарды да қамтамасыз етеді, деп хабарлайды Устинка LIVE тілшісі.

16 қазан - дүниежүзілік "Нан күні". ШҚО-да алғаш рет осы мерекені атап өту туралы шешім қабылданды. Бүгін Глубокое ауданының нан өндірушілері өз өнімдерін ұсынды.

Аудан нан, нан-тоқаш және кондитерлік өнімдер өндіретін 5 кәсіпорын бар:

• 2 нан зауыты: "Глубокое" - "Шахан – Ата" ПКФ ЖШС (Глубокое кенті) және "Предгорненский" - "Восток Элиф Star" ЖШС (Предгорное ауылы);

• "Катасонова" ЖК наубайханасы (Предгорное ауылы);

• "Семенова" ЖК наубайханасы (Глубокое кенті);

• "Харламова" ЖК наубайханасы (Белоусовка кенті).

Бұл кәсіпорындар аудан тұрғындарын толық көлемде қамтамасыз етеді, ал Глубокое нан зауыты өндірілген өнімді Өскемен қаласына жақын аудандарға да жеткізеді. Өскемен қаласының ұн тарту кәсіпорындарынан 1-сұрыпты нан бағасын ұстап тұру мақсатында ауданның үш кәсіпорнына әлеуметтік арзандатылған ұн бөлінді, - деп мәлімдеді аудан әкімдігі. - Былтыр 39 тонна, биыл 52 тонна. Бұл 1-сұрыпты нанның бағасын төмендетуге және ауданның 10 сауда объектісінде нанды 120-140 теңге бағамен сатуға мүмкіндік берді.

2023 жылы ауданда 1853 тонна нан өндірілді. Ал халықтың қажеттілігі 1581 тонна.