Өскемен мен ШҚО Қаза тапқан 14 қызметкер "Құрмет" ордендерімен марапатталды
Қызметтік борышын орындау кезінде қаза тапқан "Семей орманы" резерватының 14 қызметкері “Құрмет" орденімен марапатталды
Мемлекеттік наградаларды қайтыс болған қызметкерлердің туыстарына Экология және табиғи ресурстар министрі Зүлфия Сүлейменова табыстады. Сондай-ақ, қаза тапқандардың отбасыларына барып, көңіл айтып, қайғыларына ортақтасты.
Осы орайда айта кетейік, қаза болған орманшылардың отбасы мүшелері жыл соңына дейін ұшақпен тегін қатынай алады. Бұл туралы "Самұрық-Қазына" компаниясының баспасөз қызметі хабарлады.
Қаза болғандардың отбасы мүшелеріне Семейден Астана, Алматы, Шымкент қалаларына және кері бағытта 2023 жылдың соңына дейін тегін жүру мүмкіндігі берілді. Жалынды ауыздықтауға қатысып жатқан өрт сөндірушілерге біржолғы тегін ұшулар ұсынылып отыр, - делінген хабарламада.
Қазіргі таңда Абай облысындағы өртті сөндіру жұмыстары жалғасып жатыр.
Өртті сөндіруге ТЖМ, Экология және табиғи ресурстар министрлігнен, ЖАО және Қорғаныс министрлігінен 1800 жуық адам, 350 астам техника жұмылдырылған. Өткен тәулікте барлығы 535 рет көлемі 1 600-ға жуық тоннадан астам су ағызылды. Өрт басталғалы бері барлығы 1450 рет көлемі 4 000 тоннадан астам су ағызылды, - делінген Абай облысы әкімдігі жариялаған ақпаратта.