Серебрянск тұрғындарына кешкі уақытта көшеге шықпау ескертілді

Жергілікті әкімдік қала тұрғындарына қауіпсіздік шараларын сақтауды ескертеді. Яғни, аса қажет болмаса кешкі 18.00-ден кейін көшеге шықпаған жөн, деп хабарлайды Устинка LIVE тілшісі.

Сақтық ережелері:

• Тамақ қалдықтарын бет алды тастамаңыз. Тамақтың иісі аюларды тартады. Егер қоқысты шығару мүмкін болмаса, тамақ қалдықтарын жою керек - өртеу немесе көміп тастау.

• Елді мекеннен тыс демалыс орындарында сақ болыңыз, демалушылардың негізгі тобынан алыстамаңыз. Жалғыз адамның аюдың шабуылына ұшырау мүмкіндігі әлдеқайда жоғары. Балаларды үнемі назарда ұстаңыз.

• Ешқашан аюларды тамақтандырмаңыз және оларға жақындамаңыз.

• Ешбір жағдайда қонжықтарға жақындамаңыз. Бұл ана аюдың ашуландыруы мүмкін.

• Көлігіңіздің терезесінен аюды көрсеңіз, оған тамақ беруге тырыспаңыз.

Аюмен бетпе-бет келіп қалсаңыз, есте сақтаңыз:

• Аюдың есту және иіс сезу қабілеті өте жақсы дамыған, бірақ оның көру қабілеті салыстырмалы түрде әлсіз. Егер сіз аюды бірінші болып байқасаңыз, оның назарын аудармай, абайлап алыстаңыз.

• Егер сіз ғимаратқа жетіп үлгеретініңізге сенімді болмасаңыз, жақындап келе жатқан аюдан қашпаңыз. Қашсаңыз аю артыңыздан қуалай кетеді. Тіпті тойып тұрған жыртқыштың өзі сағатына 60 км жылдамдықпен жүгіре алады.

• Орманда жидек немесе саңырауқ жинап жүргенде мүмкіндігінше шу шығарыңыз: ән айтыңыз, қатты сөйлесіңіз. Әдетте аю шулы жерден өзі кетіп қалады.

• Жемтікке жақындамаңыз, себебі аю жемтіктің исін сезіп, сол маңайға келуі мүмкін.