Өскемен мен ШҚО Ақжар мен Шілікті ауылдары арасындағы жол асфальтталды
Тарбағатай мен Зайсан аудандары арасын байланыстыратын жолдың 15 шақырымына асфальт төселді
Шекарадағы Жаңаауыл тұрғындары енді шаң жолмен емес, тегіс әрі қауіпсіз жолмен қатынайтын болды, деп хабарлайды Устинка LIVE тілшісі.
Бұл Тарбағатай ауданының көлік инфрақұрылымындағы тағы бір үлкен жетістік.
Ақжар – Шілікті бағытындағы 78-93 шақырым аралығындағы жолға асфальт төсеу жұмыстары сәтті аяқталды. Орташа жөндеу жұмыстарын "ОблШығысЖол" компаниясы сапалы түрде атқарып шықты. Бұл – шекара шебінде орналасқан Жаңаауыл ауылдық округі халқы үшін баға жетпес қуаныш. Бұған дейін аудан орталығына шаңды, тас жолмен қатынап жүрген тұрғындар енді тегіс әрі қауіпсіз жолмен еркін жүре алады. Бұл жолдың әлеуметтік-экономикалық маңызы зор, - деп мәлімдеді Тарбағатай ауданы әкімдігіндегілер.
Маңырақ және Жаңаауыл ауылдарының тұрғындары жолдың түйіскен тұсында дәстүр бойынша шашу шашып, ақжолтай жаңалыққа қуаныштарын білдірді.