Өскемен мен ШҚО Сарыөлеңдегі мектеп құрылысы бір жылға ерте басталмақ
Тарбағатай ауданындағы Сарыөлең ауылында 2026 жылы жаңа мектеп құрылысы басталады деп жоспарланған болатын
Алайда аудан әкімдігі білім ошағы биыл бой көтеретінін мәлімдеді, деп хабарлайды Устинка LIVE тілшісі.
Жаңаауыл ауылдық округіне қарасты Сарыөлең ауылы шекаралық аймаққа жатады. Мемлекет басшысы Қасым-Жомарт Кемелұлы Тоқаевтың Бурабайда өткен 4-құрылтайда шекаралық ауылдарды дамытуға ерекше көңіл бөлу қажеттігін атап өткен болатын. Мұнда биыл 50 орындық жаңа мектеп салынбақ.
Күні кеше Тарбағатай ауданының әкімі Дархан Шомпайұлы мен аудандық білім бөлімінің басшысы болашақ білім ошағының қазығын қақты. Құрылыс мердігері – ТОО "NNTR GROUP".
Жоспар бойынша мектеп 2026 жылдың 1 қаңтарында пайдалануға беріледі. Айта кетейік, негізгі жоспар бойынша мектеп құрылысы 2026 жылы басталып, 2027 жылы аяқталуы тиіс еді. Алайда ауданымызда қарқынды түрде атқарылып жатқан жұмыстың нәтижесінде жоба 1 жыл бұрын басталатын болды, - деп мәлімдеді Тарбағатай ауданы әкімдігіндегілер.