Өскемен мен ШҚО Ақсуатта өткен айтыста Айбек Жеңісқазин "Assyl Dombyra – 2023" иегері атанды
Абай облысының Ақсуат ауданында өткен дәстүрлі "Тұғыры биік Тарбағатай" фестивалі үш күнге созылды
Фестивальдің шымылдығын "Assyl Dombyra – 2023" сөз додасы жапты, деп хабарлайды Устинка LIVE тілшісі. Ұлттық домбыра күнімен тұспа-тұс келген айтыс аламанының жеңімпазы анықталды.
Кеш тізгінін ақтаңгер ақын, мәжіліс депутаты Ринат Заитов ұстаса, әділқазылар арасында Алтынбек Қоразбаев, Тұңғышбай Жаманқұлов, Берік Уәли сынды ел ағалары болды.
Ақындар арасында 1-орынды Абай облысының ақыны Айбек Жеңісқазин, 2-орынды Жамбыл облысының ақыны Айтбек Тұрсынбай алды. Алматы қаласы мәслихатының депутаты және "Асылтас" коғамдық қорының құрылтайшысы тарбағатайлық Дулат Тастекеев 1 және 2-орын иегерлеріне темір тұлпар мінгізсе, басқа ақындарға ақшалай сыйлықтар үлестірді.