Өскемен мен ШҚО "Рахман қайнары" мемлекеттің балансына берілді
Электрондық сауда алаңында "Рахман қайнары " шипажайын мемлекеттік органдардың балансына беру бойынша сауда-саттық өтті
Сауда-саттық нәтижесінде шипажай Шығыс Қазақстан облысының кәсіпкерлік және индустриялық-инновациялық даму басқармасының балансына берілді, деп хабарлайды Устинка LIVE тілшісі.
22 тамызда сауда-саттық өтті. Бүгінгі таңда нысанды қабылдауға мемлекеттік органдардан құралған комиссия барды. Шипажайды шетелдік компанияларға беру жоспарда жоқ, - деп атап өтті ШҚО кәсіпкерлік және индустриялық-инновациялық даму басқармасының басшысы Ардақ Мәдиев.
Айта кетейік, "Рахман қайнары " шипажайы 1964 жылы ашылған. Суының шипалық қасиетi оның құрамындағы көмiр қышқылының, радонның молдығында. Ол түрлі аурулар мен жараларды емдеуде қолданылады.
