Өскеменде қайтарымсыз грантқа өтініштер қабылданады
Жеке бизнесін бастағысы келетін өскемендіктерге мемлекет 1,5 млн теңге көлемінде грант ұсынады
![Усть-Каменогорск и ВКО / Өскеменде қайтарымсыз грантқа өтініштер қабылданады Усть-Каменогорск и ВКО / Өскеменде қайтарымсыз грантқа өтініштер қабылданады](/upload/iblock/10d/193jk027uwv29iptxn8qnni7zoxw3zm0/imgonline_com_ua_Resize_A2fh3gfeNnNhJP.jpg)
Гранттар қайтарымсыз негізде беріледі, деп хабарлайды Устинка LIVE тілшісі.
400 АЕК (1 476 800 теңге) көлеміндегі грантқа 2-ші ағынға өтініштер 15 шілдеден 26 шілде аралығында қабылданады.
Грантқа конкурсқа қатысу үшін үміткер Business.enbek.kz порталында өз бетінше өтініш мен бизнес-жоспар береді, - деп хабарлайды "Өскемен қаласының мансап орталығы" КММ. - Конкурсқа қабылдау автоматты түрде жүзеге асырылады. Өтініштерді қабылдау аяқталғаннан кейін өтініш берушілер business.enbek.kz порталындағы Жеке кабинетке бизнес жобаларын қорғау жөніндегі комиссияның күні, уақыты және орны туралы хабарлама алады.
Толық ақпарат үшін 700-659 телефонына немесе Шәкәрім даңғылы, 149/10, 5-кабинетке жүгінуге болады.