Өскемен мен ШҚО Биыл 689 ауыл баласы "Дарын" балалар лагерінде демалады
Өскемен қаласынан 25 шақырым жердегі таулы Ульбинка өзенінің жағасындағы "Дарын" балалар лагері жылына 350 баланы қабылдайды
Өңір басшысы Ермек Көшербаев "Дарын" балалар лагерінің жұмысымен танысып, еліміздің түкпір-түкпірінен Шығыс Қазақстанға демалуға келген балалармен сөйлесті, деп хабарлайды Устинка LIVE тілшісі.
Облыс әкімі әсіресе шет тілдерін үйренудің және сапалы жоғары білім алудың маңыздылығын айтты. Сондай-ақ сапар барысында шығармашылық үйірмелердің жұмысымен танысып, музыка сыныбының балаларымен бірге домбыра шертті.
Лагерьдің бір маусымында 350 баланы қабылдаймыз. Балғындар шығармашылық студияларда, әртүрлі бағыттағы үйірмелерде шеберліктерін шыңдайды. "Жаздық жолдама" республикалық жобасы аясында ауылдардан 689 дарынды оқушы "Қазақстан халқына" қоғамдық қорының қаражаты есебінен "Дарын" лагерінде демалады, - деді лагерь директоры Серік Алпышев.
"Дарын" лагері - демалыс пен сауықтыру, спортты шығармашылықпен ұштастыратын орталық. Мұндағы әр бала өзін басқа қырынан таныта алады. Жаңа дос тауып, уақыттарын қызықты өткізеді.
