Өскемен мен ШҚО Өскеменде оқушылар сарайы салынады
Балаларды сауықтыру және олардың шығармашылық, зияткерлік әлеуетін дамыту жөніндегі 2024-2026 жылдарға арналған жол картасы аясында Өскемен қаласында оқушылар сарайы бой көтермек
600 орындық балаларға арналған инновациялық шығармашылық орталық құрылысы 2027 жылы салынып бітуі керек, деп хабарлайды Устинка LIVE тілшісі ШҚО құрылыс басқармасы ақпаратына сүйеніп.
Өскемен қаласында спорт, хореография, музыка, өнер, ғылым, IT-технологиялар және шығармашылық үшін кешенді инфрақұрылыммен қамтамасыз етілген қолданыстағы қосымша білім беру ұйымдары жоқ, - деп хабарлады ШҚО құрылыс басқармасы. - Шығыс Қазақстан облысында мемлекеттік-жекеменшік серіктестік (МЖС) механизмі бойынша инвесторларды тарту арқылы "Өскемен қаласында 600 орындық балаларға арналған инновациялық шығармашылық орталық құрылысына" жобалау-сметалық құжаттамасын әзірлеу жоспарланған.
Орталық халықаралық, республикалық және облыстық ғылыми, зияткерлік және әлеуметтік-мәдени іс-шараларды өткізетін орынға айналады.
Осылайша, инновациялық шығармашылық орталығы балалар мен жасөспірімдердің өзін-өзі дамытуға, әлеуметтік бейімделуіне және кәсіби бағдарлануына ықпал ететін қосымша білім беру жүйесін тиімді және тұрақты дамыту үшін қажетті жағдайлар мен тетіктерді жасау алаңына айналады.
