Алтай қаласының жылу қазандығы күзге дейін жөнделіп бітеді

Алтай қаласында қыркүйек айының соңына дейін қала қазандығындағы жөндеу жұмыстары аяқталады, деп хабарлайды Устинка LIVE тілшісі.

Бүгінгі күні кәсіпорын Жақсыбаев көшесіндегі құбырларды оқшаулау, Панфилов көшесіндегі жылу желілерін ауыстыру, ысырма арматураларын тексеру, құдықтарды жөндеу, №6Б, 23 орталық жылу пункттеріндегі электр қозғалтқыштары мен қорғаныс іске қосу құралдарын жөндеу және тексеру жұмыстарын жүргізуде, - деп хабарлады Алтай ауданының әкімдігі.

Әкімдік ақпаратына сүйенсек, мердігер ұйым 6КВ кабель тарту жұмыстарын бастады, аудандық қазандықтағы №2 қазанның шойын экономайзерін орнату жұмыстарын аяқтады.

Сондай-ақ, аудандық қазандықтағы №4 қазанның қазандық жағасын бөлшектеу жұмыстары басталды, №2 қазанның жылыту беттері ауыстырылады.