Өскемен мен ШҚО Өскемендегі №255 және №256 бағыттағы шағын автобустар демалыста да жүреді
Нұрлы көш және Ахмер ауылдарына апаратын шағын автобустар демалыс күндері де қатынайды
Бұған дейін шағын автобустардың тек жұмыс күндері қатынайтыны айтылған, деп хабарлайды Устинка LIVE тілшісі.
7 маусымнан бастап іске қосылған №255 және №256 маршруттар жұмыс күндері де, демалыс күндері де қозғалысты жүзеге асыратын болады. Осы бағыттар бойынша көлік құралдарының қозғалысын «Oskemenbus» мобильді қосымшасында бақылауға болады, - деп мәлімдеді "Өскемен қаласы ЖТБО" ЖШС.
Естеріңізге сала кетейік, облыс орталығындағы ең ірі жолаушы тасымалдаушы "Vosca" ЖШС автопаркі жаңа 5 шағын автобус сатып алған болатын. 7 маусымнан бастап сынақ режимінде "Нұрлы Көш ауылы – 28-шағын ауданы – Өзен вокзалы ауданы" бағытындағы №256 шағын автобустары, "Жаңа Ахмер кенті – 21 шағын аудан" бағытындағы №255 шағын автобустары өз жұмысын бастады.
