Өскемен мен ШҚО ШҚО-да 22 жағажайда демалуға рұқсат етілген
Олар Өскемен, Риддер қалалары мен Ұлан және Алтай аудандарында
Ал шомылуға тыйым салынған орындар саны – 74, деп хабарлайды Устинка LIVE тілшісі.
ШҚО ТЖД бастығының орынбасары Қуатбек Кенжебекұлы жазғы кезеңде облыс әкімдігінің қаулысына сәйкес облыс бойынша жаппай демалуға арналған 22 учаске анықталғанын айтты.
Бұл учаскелерде 1 муниципалды (Ұлан ауданы), 5 коммуналдық (Өскемен қаласы - 2, Риддер қаласы - 1, Алтай ауданы - 2) және 4 жеке жағажай (Ұлан ауданы) жұмыс істейді, - деді Қуатбек Кенжебекұлы. - Облыстық мәслихат сессиясының шешімімен шомылуға тыйым салынған 74 орын және шағын көлемді кемелерде жүзуге тыйым салынған 29 орын анықталды.
Өткен жылдың шомылу кезеңде 6 адам суға батып кетті. Олар шомылуға жабдықталмаған жерлерде суға түскен: Бұқтырма су қоймасының аумағында 3 адам, Зайсан көлінде 2 адам, Глубочанка өзенінде 1 адам суға батып кетті.
Ағымдағы жылы шомылу маусымы басталғанға дейін жағажайлардың түбін тексеру, арнайы қалтқылар, ескерту белгілері, үгіт стендтерін қою жұмыстары жүргізілетін болады, - деді ШҚО ТЖД бастығының орынбасары Қуатбек Кенжебекұлы. - Балалар лагерлері мен демалыс базаларының иелері шомылу маусымы басталғанға дейін су айдындарындағы қауіпсіздік ережелеріне сәйкес іс-шаралар өткізуі қажет.
