Өскемен мен ШҚО Өскеменде қала орталығында дрифт жасаған жүргізуші жауапқа тартылды
Өскемен қаласының тұрғыны жол жүру қағидаларын бұза отырып, оны видеоға түсіріп, әлеуметтік желіге жариялаған
Мықтылығын елге көрсеткісі келген ол енді айыппұл төлейді, деп хабарлайды Устинка LIVE тілшісі ШҚО ПД ақпаратына сүйеніп.
Бұл жағдай демалыс күні Әуезов даңғылында болған.
28 жастағы азамат инстаграмдағы достарына қызықты бейнеролик көрсету мақсатында жол жүрісі қағидаларының бірнеше тармақтарын бұзып қана қоймай, өзінің де, өзгенің де өмірін қатерге тіккен, - деп хабарлайды ШҚО ПД. - Сонымен қатар, маневр жасау кезінде бұрылу белгісін қоспай, артқы доңғалақтарды әдейі сырғытқан, осылайша жол белгілері мен жол жабынын зақымдаған. Көлік жүргізушісіне қатысты жол жүрісі қағидалары, яғни, қозғалыс басталғанға дейін бағытты өзгерту, бұрылу, кері бұрылу немесе тоқтау сигналын беру талаптарын орындамағаны үшін, сондай-ақ жолдарға зақым келтіргені үшін хаттамалар толтырылды.
Бұл ессіз әрекеті үшін оған айыппұл төлеуге тура келеді.