ШҚО-ның солтүстігінде бүгін найзағай ойнайды

"Қазгидромет" ШҚО филиалының ақпараты бойынша, 22 сәуірде күндіз Шығыс Қазақстан облысының солтүстігінде найзағай күтіледі

Жел батыстан, солтүстік-батыстан соғады, күндіз облыстың солтүстігінде екпіні 15-18 м/с, деп хабарлайды Устинка LIVE тілшісі.

Өскемен қаласында да күндіз найзағай ойнауы мүмкін.

Найзағайлы күні сақтық шараларын естен шығармаған жөн:

найзағай ойнаған уақытта далада жүрмеген жөн, электр құрылғыларын қуат көздерінен міндетті түрде ажырату қажет;
егер көшеде болсаңыз, металл қоршаулардың, төбелердің немесе басқа электр өткізгіштердің жанында тұрмаңыз;
желдің екпіні кезінде сымдар мен тербелетін заттарға жақындамаңыз, автобус аялдамаларының артына, ағаштардың астына тығылмаңыз;
төтенше жағдай кезінде "112" телефоны бойынша хабарласыңыз.