Қараөткел ауылының сыртында бөгет жасалды

Жуықта ауа райы күрт жылынып, жан-жақтан ауылға су жайылған болатын, деп хабарлайды Устинка LIVE тілшісі.

Тіпті жолды бірнеше жерін су жырған еді. Аудан әкімдігі, Төтенше жағдайлар департаменті және бөлімі, сонымен қатар ауыл тұрғындарының жедел әрекетінің арқасында жайылған су дер кезінде тоқтаған. Ешқандай үйге де су кірмеген.

Қазір жол жөнделіп, қатынас қалпына келтірілді. Самар ауданының сәулет, құрылыс, тұрғын үй-коммуналдық шаруашылығы, жолаушы көлігі және автомобиль жолдары бөлімінің басшысы Бауыржан Алтайұлы апта бойы Қараөткел ауылында болып, тасқанның алдын алу жұмыстарын жүргізді.

Ауыл шетіндегі бөгет тасқынның алын алуға үлкен септігін тігізеді. Жылғадан келген сулар енді ауылдың шетін айналып, өзенге құяды.