Өскемен мен ШҚО Көкпекті-Самар-Васильев өткеліндегі жол көлік қозғалысына ашылды
Облыстық маңызы бар жолдың 43-ші шақырымындағы жол бөлігі жөнделіп, су өткізгіш құбыр орнатылды
Мәжіліс депутаты Ерлан Саиров Самар ауданында болып, тасқын басқан жерлерді көрді, деп хабарлайды Устинка LIVE сайтының тілшісі.
Естеріңізге сала кетейік, Көкпекті-Самар-Васильев өткелі жолына қарғын су жайылған болатын. Облыстық маңызы бар жолдың 43-ші шақырымында диаметрі 1,5 метр су өткізгіш құбыр болған, алайда ол қарғын суға төтеп бере алмай қалған.
Мамандар бұл аумақтағы көлік қозғалысын тоқтатып, суды бұрып, құбыр қалдығын бөлшектеді.
Көкпекті-Самар тас жолының бір бөлігін су алған. Жол жөндеу кәсіпорны түні бойы жедел жұмыстар жүргізіп, труба салып, жолды жөндеп, қайта ашты, - дейді Ерлан Саиров. – Шығыс Қазақстан облысындағы апаттық жағдайлар жедел түрде шешіліп жатыр.
Қазір көлік қозғалысы үшін жол ашық.
