Өскемен мен ШҚО Сібе көлдерінде екі балықшы суға батып кете жаздады
Өскемен қаласының тұрғыны Александр Алексеев екі адамның өміріне араша түсті
Сенбі күні Сібе көлінде балық аулап жүргендердің бірі мұз астына түсіп кеткен, деп хабарлайды Устинка LIVE сайтының тілшісі ШҚО ТЖД ақпаратына сүйеніп.
Мұны байқаған Өскемен қаласының тұрғыны Александр Алексеев пен жанындағылар абдырап қалмай, құлаған адамды тростың көмегімен жағаға шығарды.
Құтқару оқиғасы мұнымен аяқталған жоқ. Көлден үйге кетуге жиналып жатқан Александр және басқалары тағы бір оқыс оқиғаның куәгері болды. Тағы бір адам мұз астына түсіп кеткен.
Мен ер адамға мұз бетімен еңбектеп жүр деп айтым. Содан кейін жанымдағылармен бірге оған қарай арқан лақтырдық. Ол арқаннан ұстап, біз оны шығарып алдық, - дейді Александр.
ШҚО ТЖД азаматтарға қауіпсіздік шараларын қатаң сақтауды ескертеді. Көктемгі мұз өте қауіпті. Кез келген уақытта аяғыңыздың астындағы мұз жарылып кетуі мүмкін.