Өскемен мен ШҚО ШҚО-да су тасқыны жағдайына мониторинг жүргізілуде
Облыс бойынша қар жамылғысының көлемі 65 % құрайды
Өңірде қардың белсенді еруіне байланысты су деңгейінің көтерілу қаупі бар, деп хабарлайды Устинка LIVE тілшісі ШҚО ТЖД ақпаратына сүйеніп.
Су айдындарында тәулік бойы мониторинг жүргізілуде. Құтқарушылар үйлерді аралап су тасқыны туындаған жағдайда орындалуы қажет ережелер жазылған нұсқаулықтарды халыққа таратуда, - деп хабарлайды ШҚО ТЖД.
Алтай ауданында су тасқынына қарсы жұмыстарға Семей қаласынан көмекке келген ҚР ТЖМ №68303 әскери бөлімінің әскери қызметшілері жұмылдырылды.
Жағдай күрделене түскен жағдайда жргілікті атқарушы органдар мен азаматтық қорғау қызметтері құрылымдарынан 2270 адам, 732 техника, сондай-ақ 61 жүзу құралдары мен 234 мотопомпалар дайын, - деп хабарлады ШҚО ТЖД. - Жергілікті атқарушы органдар 17 мың адам сыятын 153 уақытшаорналастыру пунктілерін белгіледі.
Төтенше жағдай туындаған жағдайда 112 нөміріне хабарласу қажет.