Өскемен мен ШҚО Өскемен тұрғыны терракт дайындалып жатқанын хабарлаған
Оқиға орнын жіті тексерген полиция ақпараттың жалған екенін анықтаған
51 жастағы қала тұрғыны орынсыз қылығы үшін айыппұл арқалады, деп хабарлайды Устинка LIVE тілшісі.
ШҚО облыстық орталығының полициясына ер адам Өскемен қаласында терракт дайындалып жатқанын хабарлағаны туралы қоңырау келіп түскен, - деп хабарлады ШҚО ПД. - Полицейлер дереу оқиға орнына барған, тексеруден кейін қоңыраудың жалған екені белгілі болды. 51 жастағы қала тұрғыны ішімдікке мас күйінде хабарласқан.
Ойнап жүріп от басқан әзілкешке мамандандырылған қызметтерді көрінеу жалған шақырғаны үшін 30 АЕК мөлшерінде айыппұл салынды.
ШҚО Полиция департаменті қоғамдық резонанс пен ықтимал салдарларды ескере отырып, мұндай бұзушылықтар үшін қылмыстық жауапкершілік қарастырылғанын, оның санкциясы 5 жылға дейін бас бостандығынан айыру түріндегі жаза көзделгенін ескертеді.
