Өскемен мен ШҚО ШҚО-да су тасқынына қарсы жұмыстар жүріп жатыр
Облыста ауа температурасының күрт жоғарылауына байланысты қар қарқынды еріп, су деңгейінің көтерілуі және елді мекендерді су басу қаупі артты
Шығыс Қазақстанда жергілікті атқарушы органдар мен құтқарушылар алдын алу іс-шараларын өткізу бойынша жұмысты күшейтті, деп хабарлайды Устинка LIVE тілшісі.
442 арық, 71 арна мен 447 көпір қар мен қоқыстан тазартылды. 368 мың текше метрден астам қар шығарылды, - деп хабарлады ШҚО ТЖД. - Департамент қызметкерлері халықты су тасқыны кезеңіне дайындау мақсатында 149 елді мекенде 270-тен астам рейд жүргізді, бұл ретте 20 000-нан астам халық қамтылды.
Жергілікті атқарушы органдар азаматтарды уақытша орналастыру үшін жалпы сыйымдылығы 17 мың адамнан асатын 153 пунктін белгіледі.
Су тасқынына қарсы жұмыстарға Семей қаласынан көмекке келген ҚР ТЖМ №68303 әскери бөлімінің әскери қызметшілері жұмылдырылды. Олар Алтай ауданында алдын алу шараларын жүргізеді.