Өскемен мен ШҚО Алтай ауданында үйі барлар да мемлекеттен тегін баспана алып алған
ШҚО прокурорлары заңсыз жекешелендірілген пәтерлерді мемлекетке қайтарды
Алтай ауданында жалпы құны 19 млн теңгенің 5 пәтері заңсыз берілген, деп хабарлайды Устинка LIVE тілшісі.
Алтай ауданының прокуратурасы Алтай ауданының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөліміндегі тұрғын үй заңнамасының сақталуына тексеру жүргізген.
Тексеріс нәтижесінде тұрғын үйі бар және мемлекеттік тұрғын үй алу үшін заңда көзделген мерзімдері келмеген тұлғалардың тұрғын үй қорынан пәтерді заңсыз жекешелендіру фактілері анықталған, - деп хабарлайды ШҚО Прокуратурасының баспасөз қызметі. - Осылайша, бағалау құны 19 млн теңгеден асатын пәтерлерді заңсыз жекешелендірген Алтай қаласының 5 тұрғыны анықталды.
Прокурорлық қадағалау актісі бойынша барлық тұрғын үйлер мемлекет меншігіне қайтарылды, ТКШ бөлімінің басшысы тәртіптік жауапкершілікке тартылды.
Мемлекет меншігіне қайтарылған пәтерлер заңда белгіленген тәртіппен мұқтаж жандарға берілетін болады.
