Өскемен мен ШҚО Өскеменде Қыдыр атаның үйі ашылады
Ертең облыс орталығындағы этносаябақта Наурыз мерекесі өтеді
Шара барысында Қыдыр атаның үйі салтанатты түрде ашылады, деп хабарлайды Устинка LIVE тілшісі.
21 наурыз күні сағат 11.00-ден басталатын мереке барысында ұлттық тағамдар ұсынылып, қолөнер бұйымдарының көрмесі ұйымдастырылады. Сондай-ақ, спорттық сайыстар да болады.
Орталық сахнада арнайы шақырылған Қазақстан Республикасының Еңбек сіңірген қайраткері Нурлан Абдуллин мен Шығыс Қазақстан облысының шығармашылық ұжымдары және жеке орындаушыларының қатысуымен мерекелік бағдарлама өтеді.
Басты оқиғалардың бірі - Қыдыр ата резиденциясының ашылу салтанаты.
Іс-шара ұрпақтар мен дәстүрлер сабақтастығының символы ретінде ұлттық құндылықтарды насихаттауға бағытталғандықтан іс-шараға келушілерден ұлттық нақыштағы киім үлгісінде келуі сұралады.
