ШҚО-да Алтайдың табиғатына арналған фотобайқау жарияланды

Фотобайқауға Алтайдың тұмса табиғаты, флорасы мен фаунасынан сыр шертетін суреттер қабылданады, деп хабарлайды Устинка LIVE тілшісі.

Жұмыстар наурыз-қазан аралығында қабылданып, байқау нәтижесі желтоқсанда шығады деп жоспарлануда.

#AltaiPhotoLife" фотобайқауы қоршаған ортаға ұқыпты қарау идеясын насихаттау, адам мен табиғаттың өзара іс-қимыл мәселелеріне қоғамдық назар аудару, табиғи әртүрлілікті сақтау, табиғатты, оның ішінде ерекше қорғалатын табиғи аумақтарда (ЕҚТА) сақтауға бағытталған іс-шараларды қолдау мақсатында өткізіледі. Байқауға ұсынылған барлық жұмыстар Шығыс Қазақстан және Абай облыстарының әкімшілік шекаралары шегінде алынуы тиіс, - деп хабарлайды ұйымдастырушылар.

Фотобайқауға 7 жастан асқан әуесқой фотографтар мен кәсіпқойлар қатыса алады.
Фотобайқау ережесі мен толық ақпарат сайтында.