Өскемендегі екі бағыттағы автобус жиі жүретін болды

Енді Облыстық балалар ауруханасы, Ахмер кенті, Өскемен вокзалы мен ТМК бағыты бойынша қатынайтын жолаушылар қоғамдық көлікті ұзағынан тоспайтын болды. 9 наурыздан бастап №255 және №232 маршруттың автобустарының тасымалдау тәртібінде өзгерістер енгізілді.

255 автобус бұған дейін тек түс уақытанда ғана тасымалға шығатын. Себебі осы екі бағытта тек қана 2 автобус жүрді. Қазір олардың саны төртеуге көбейді. Сондықтан олар күні бойы, таңғы сағат 6.00 ден 20.30 дейін 20 минуттық уақыт үзілісімен жүреді.

- Біз жолаушылардың қай бағытта жиі әрі көп жүретінін бақылап барып, автобустардың жүру тәртібіне өзгерістер енгіземіз, - деді Өскемен қалалық жолаушылар тасымалын басқару орталығының басшысы Ольга Графкина.

Өзгерістер №232 маршруттық автобустында бар екен. Бұл бағыттағы автобустардың саны алтыға жетті. Жүру уақыты сағат 6.35-тен 20.32-ге дейін. Уақыт интервалы 13-15 минут.