Өскемен мен ШҚО Өзбекстан азаматына Қазақстанға кіруге тыйым салынды
Елден уақтылы кетпеген ол сот қаулысымен шекарадан шығарылды
Заң бұзғаны үшін ол енді ҚР шекарасынан 5 жыл бойы кіре алмайды, деп хабарлайды Устинка LIVE тілшісі ШҚО ПД ақпаратына сүйеніп.
ШҚО ПД көші-қон қызметі бөлімшелерінің қызметкерлері күн сайын уақытша және тұрақты тұратын шетел азаматтарының тіркеу мекенжайларын, сондай-ақ қабылдаушы тұлғаларда хабарлама болуын тексереді.
Өскемен қаласындағы осындай тексерулердің бірінде тәртіп сақшылары белгіленген мерзімде елден шықпаған Өзбекстан Республикасының азаматын анықтады.
Қазақстан Республикасының көші-қон саласындағы заңнамасын бұзғаны үшін құқық бұзушыға 5 жыл мерзімге Қазақстан Республикасына келуге тыйым салынып, сот қаулысымен Қазақстан Республикасынан шығарылды.
Сонымен қатар, жыл басынан бері көші-қон заңнамасын бұзғаны үшін 100-ден астам шетел азаматы әкімшілік жауапкершілікке тартылды. Оның алтауы сот шешімімен Қазақстан Республикасының шекарасынан шығарылды, - деп атап өтті ШҚО ПД КҚБ бастығының м.у.а полиция подполковнигі Ринат Шкибаев.
