Өскемен мен ШҚО Өскемендегі әскери бөлімдердің бірінің құрылғанына 64 жыл толды
Ұлттық ұланның Өскемен қаласындағы №3477 әскери бөлімі құрылған күнін атап өтті
Мемлекет үшін аса маңызды стратегиялық аймақтың қауіпсіздігін қамтамасыз етуде әскери бөлім өзіне жүктелген міндеттерді қалтқысыз абыроймен атқарып келеді, деп хабарлайды "Шығыс" өңірлік қолбасшылығы.
Бүгінде бұл әскери бөлімнің жеке құрамы жауынгерлік әзірлікті шыңдап, жауынгерлік міндеттерін қырағылықпен орындап, еліміздің тыныштығын күзетуде.
Айтулы күнге орайластырылған шараға "Шығыс" өңірлік қолбасшылығының қолбасшысы генерал-майор Арман Жұмағалиев және әскери бөлім ардагерлері, сондай-ақ әскери қызметшілер қатысты.
Біздің әскери қызметшілер өздерінің міндеттерін үлкен абыроймен атқаруда. Әскери бөлімнің құрылған күні мерекесі қарсаңында барлық жеке құрамды айтулы күнмен құттықтаймын. Еліміздің өркендеуі жолындағы жауапкершілігі жоғары қызметтеріне жетістіктер тілеймін. Аспанымыз ашық, деніміз сау, еліміз аман болсын, - деді №3477 әскери бөлімінің командирі подполковник Руслан Есенғалиев.
