ШҚО-ны толықтай газбен қамтамасыз ету бойынш келіссөздер басталды

Сұңғат Есімханов бүгін Риддер қаласының тұрғындарымен кездесу өткізді, деп хабарлайды Устинка LIVE тілшісі ШҚО қоғамдық даму басқармасы ақпаратына сүйеніп.

Шығыс Қазақстан облысын толыққанды газдандыру мақсатында министрлік "Рудный – Астана – Павлодар – Семей – Өскемен – Зайсан" бағыты бойынша батыс өңірлерден газ тарту мүмкіндігі (жобаның құны 778 млрд теңгеге бағаланады) және Ресей Федерациясынан газдандыру нұсқалары қарастыруда, - деп атап өтті энергетика вице-министрі. - Соңғы нұсқа «Ресей Федерациясы - Қазақстан Республикасы - Қытай Халық Республикасы» газ құбырын салу жөніндегі алдын ала техникалық-экономикалық незідеме әзірлеу шеңберінде «Газпром» жария акционерлік қоғамымен бірлесіп зерттелуде.

Сұңғат Есімхановтың айтуынша, қазіргі уақытта солтүстік-шығыс өңірлерді газдандыру перспективасымен транзиттік газ құбырын салу шарттарын талқылау бойынша келіссөздер процесі басталды.

Барлық бастапқы деректерді алғаннан кейін газдандырудың оңтайлы нұсқасы әзірленетін болады.