Өскемен мен ШҚО Құтқарушылар мен полиция жедел жәрдемге Тұғылдан Ақжарға дейін жетуге көмектесті
Тарбағатай ауданының құтқарушылары мен полиция қызметкерлері боранды күні науқасты дереу ауруханаға жеткізуге көмектесті
Ауданда ақтүтек боран, жолға шығу қауіпті, деп хабарлайды Устинка LIVE тілшісі ШҚО ТЖД ақпаратына сүйеніп.
Бірнеше ай бұрын ана болған келіншектің денсаулығы сыр беріп, дереу жедел жәрдем шақыртқан. Жедел жәрдем оны Ақжардағы аурухағанаға жеткізуі керек еді. Ал ауданда соққан ақ түтек бораннан жолға шығу қауіпті болды. Сол себепті Тарбағатай ауданының ТЖБ құтқарушылары мен полиция экипажы жедел жәрдем көлігімен қоса ілесіп жүріп, 60 шақырымдағ ақжарға аман жетуге септігін тигізді.
Келіншек аудандық аурухананың гинекология бөліміне жатқызылды, қажетті терапия қабылдап жатыр. Құтқарушылар мен полиция қызметкерлерінің көмегіне алғыс білдіреміз, - деді Тарбағатай аудандық ауруханасының бас дәрігері Елжан Манарбеков.