Өскемен мен ШҚО Күршімде ветеринар бұрқасында жолда қалып қойған
Жоғалған мал дәрігерін учаскелік инспектер тауып, көмектесті
Ол кешкі уақытта көрші ауылдағы үйіне жалғыз өзі көлікпен шығып кетіп, байланысқа шықпаған, деп хабарлайды Устинка LIVE тілшісі.
Polisia.kz ақпараты бойынша, полицияға оның жоғалғаны туралы әріптесі хабарлаған.
Кешкісін ШҚО Күршім аудандық полиция бөліміне ауылдардың бірінің тұрғыны хабарласып, әріптесінің көрші ауылдағы үйіне көлікпен кетіп, 4 сағаттан астам уақыт бойы байланысқа шықпағанын айтқан. Учаскелік инспектор Руслан Керейбаев бірден жоғалған жігітті іздеуге шыққан, - деп хабарлады Polisia.kz
Өңірде бірнеше күн бойы қолайсыз ауа райы: боран, бұрқасын және қар жауды, тек соңғы тәулікте бір метрден астам қар жауған.
Мал дәрігері жарты жолды жүріп өтіп, қар құрсауында қалып қалғаны белгілі болды. Өз бетінше шыға алмағандықтан, көмек күткен. Бірлескен күш-жігердің арқасында бірнеше сағаттан кейін ғана мал дәрігерінің көлігі қар құрсауынан шығарылды.
