Өскеменде полицейлер есірткі қойып кетуші курьерді ұстады

Полиция қызметкерлері синтетикалық есірткіні жеткізіп беруші күдіктіні жедел-іздестіру шаралары барысында қолға түсірді, деп хабарлайды Устинка LIVE тілшісі.

Тінту кезінде тәртіп сақшылары жас жігіттен жалпы салмағы шамамен 15 грамм болатын "a-PVP" есірткі затын тапты, бұл шамамен 50 реттік доза.

Осы факті бойынша сотқа дейінгі тергеу басталды, - деп хабарлады ШҚО ПД баспасөз қызметі. - Күдіктіге есірткі құралдарын, психотроптық заттар мен олардың аналогтарын өткізу мақсатында заңсыз сатып алғаны, сақтағаны, тасымалдағаны не өткізгені үшін қылмыстық жауапкершілік көзделеді.

Қазіргі уақытта күдікті соттың санкциясымен қамауға алынды.