ШҚО таулы аймақтарында қар көшкіні жүруі мүмкін

Құтқарушылар тұрғындарға бұл күндері тауға шықпауды ескертеді, деп хабарлайды Устинка LIVE тілшісі.

"Қазселденқорғау" ММ "ШҚАПБ" филиалының ақпараты бойынша, жауын-шашын, қатты жел мен тұрақсыз қар жабыны сияқты қолайсыз метеожағдайларға байланысты 2024 жылдың 09 ақпанынан 2024 жылдың 12 ақпаны аралығында облыстың таулы аудандарында қар көшкіні жүру қаупі бар.

ШҚО ТЖД мамандары бұл уақытта тауға барудан бас тартуды ұсынады. Көшкін қаупі бар ошақтар автомобиль жолдарына қауіп төндіреді, олардың жанынан өтіп бара жатқанда тоқтамай, қауіпті аймақтан тез шығу керек.

Егер төтенше жағдайға тап болсаңыз және құтқарушылардың көмегі қажет болса, барлық жедел қызметтерді шақыру үшін ұялы телефоннан "112" бірыңғай нөмірі жұмыс істейді.